မာန

မြေစမ်းခရမ်းပျိုးဖို့ မကြိုးစားနဲ့။
စာနာခြင်းမြေသြဇာတွေ လာမကြဲနဲ့။
လူချစ်လူခင်များအောင်လဲ မနေတတ်ဘူး။
နတ်ကွန်းမဟုတ်လို့ အမွှေးတိုင်လဲ မထွန်းမိဘူး။

ငါပုပ်ပွချင်ပွမယ်
ဘယ်သူ့မှ အပုပ်မချဘူး။
ငါစုတ်ပြတ်ချင်ပြတ်မယ်
ဘယ်သူ့မှ မယုတ်ပတ်ဘူး။
ငါချော်လဲချင်လဲမယ်
ဘယ်သူ့ကိုမှ အော်အော်ဆဲမနေဘူး။

နင်တို့ အထက်တန်းလွှာတွေ လာပေါင်းမှ
ငါ့ရဲ့မနက်ဖန်တွေ
တစ်စစီကျိုးပဲ့ကုန်မယ်.....

ထပ်ပြောလိုက်မယ်

သေချာနားထောင်သွား

ငါ့ကို
ဘယ်တော့မှ ကိုင်းလာမကူးနဲ့........

ဘယ်သူမှမသတ်ခင်
ငါအရင်သေနှင့်မယ်။

*****