NyAlAy

Jul 20, 2009

သုံးဆယ့်ရှစ်ဖြာ မင်္ဂလာ (သည်းခံခြင်း)

၃၈ ဖြာ မင်္ဂလာ တွေနဲ့ပတ်သတ်ပြီး "ဖိုးချမ်း" က ရေးခိုင်းလာတဲ့ ခါမှာ ကျမ ဘာကစလို့ ရေးရမှန်းမသိခဲ့ဘူး။ မအားတာက တစ်ကြောင်းကြောင့်လဲ ရေးပေးရမယ့် ရက်ထက် ကျော်သွားခဲ့ပါတယ်။ မမေ့မလျော့ Tag ပေးတဲ့ ဖိုးချမ်းကို အားနာပါတယ် ကျမကို တကူးတက ဖိတ်ခေါ်ရေးခိုင်းလာရင် အရမ်းဝမ်းသာတယ်။ ပြီးတော့ တတ်နိုင်သလောက် ပြန်ရေးပေးချင်တာ ကျမဆန္ဒပါ။ မအားတဲ့အတွက်ကြောင့်ရယ် အလုပ်လေး ခဏပြီးချိန် ညပိုင်း တစ်နာရီလောက် ရတဲ့အချိန်လေးကို တင်ချင်တဲ့ပို့စ် ခေါင်းထဲက ထွက်လာတဲ့ပို့စ်ကို အမြန် အပြေးအလွှား ရိုက်ယူနေရတဲ့ ကျမကို နားလည်ပေးနိုင်ကြမယ် ထင်ပါတယ်။ တော်နေကြာ Tag သာထားရတယ် ပြန်လဲ အရေးမလုပ်ဘူးလို့ ထင်နေကြဦးမယ် နောက် ဘယ်သူမှ လာမရေးခိုင်းရင် ဘယ့်နှယ့်လုပ်ရ။
*****
၃၈ ဖြာ မင်္ဂလာတရားတော်တွေက ကျမတို့တွေ ငယ်စဉ်ခါက ဆရာမတွေ နှုတ်တိုက်ရအောင် တတွတ်တွတ် ရွတ်ခိုင်းခဲ့တယ်။ ဘာ့ကြောင့်လဲဆိုတော့ လိမ္မာယဉ်ကျေးအောင်ပါ။ အဓိပ္ပါယ်တွေကိုလဲ ကလေးငယ်လေးတွေ နားလည်လာအောင် နားလည်လွယ်အောင် ရှင်းပြခဲ့သေးတယ်လေ။ ဘာကိုမှ မသိတတ်သေး နားမလည်နိုင်လောက်တဲ့ အချိန်တုန်းကတောင် ရွတ်ကောင်းလို့လဲ ရွတ်ခဲ့ကြသေးတယ်။ အသက်ကြီးလာတော့ တဖြည်းဖြည်း ပိုသိလာတယ်၊ ပိုနားလည်လာတယ်လေ။ အင်း ကိုယ့်ဖာသာ တတ်သိ နားလည်နေပေမယ့် တစ်ခါမှတော့ သူများနားလည်အောင် ပြန်မရှင်းပြတတ်ဘူး။ ၃၈ ဖြာ မင်္ဂလာတရားတော်ကို ပြန်လည် ဖတ်ရှုချင်ကြရင်တော့ "တေးအေးရိပ်" မှာ သွားရောက် ဖတ်ရှုလို့ရပါတယ်။

၁။ အသေ၀နာစ
လူမိုက်ဆိုလျှင် ရှောင်သွေလွဲလို့ ၊ မမှီဝဲ နဲ့ ကင်းအောင်နေ။
ပညာရှိကို အရှည်တွဲလို့ ။ မှီဝဲဆည်းကပ် နည်းယူစေ။
သုံးပါးရတနာ မိဘများနှင့် ၊ ဆရာသမားကို ပူဇော်လေ။
ချမ်းသာကိုပေး ဆက်ဆံရေး ၊ မြော်တွေးသုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

ပထမဆုံးအပိုဒ်မှာ ပါဝင်တဲ့ အထက်က စာပိုဒ်လေးထဲမှာ "လူမိုက်ဆိုလျှင် ရှောင်သေလွဲလို့၊ မမှီဝဲနဲ့ ကင်းအောင်နေ" တဲ့ လူတိုင်းတော့ လူမိုက်နဲ့ အပေါင်းအသင်း လုပ်ချင်ကြမယ် မထင်ဘူး။ မသိလို့ ပေါင်းမိတာ ချည်းပါပဲ။ ဒါပေမယ့် အချိန်ကြာလာတာနဲ့ အမျှ သူက ကိုယ့်အပေါ် ကောင်းကျိုးပေးနေလား၊ သူ့ကြောင့် ဆိုးကျိုးတွေချည်း ရနေလား ခွဲခြားသိလာရင်တော့ အမြန်ဆုံး ဖယ်ခွါကြရမယ်တဲ့။

ကျမ ဘလော့ဂ်ပေါ်မှာ တင်ထားတဲ့ အရှင်တိဿ ရဲ့

"သဒ္ဒါတရားလည်း မရှိ
သီလလည်း မရှိ
ရှက်ကြောက်ခြင်းလည်း မရှိ
ထိတ်လန့်ခြင်းလည်း မရှိ
ရိုသေခြင်းလည်း ကင်းသောသူသည်
မိမိအကျိုးစီးပွါးကို ဖျက်ဆီးသူမည်၏။"

ဆိုတဲ့ ဆောင်ပုဒ်လေးလိုပဲ လူတစ်ယောက်နဲ့ ပေါင်းသင်းဆက်ဆံတာ ကြာလာတဲ့ခါမှာ သူ့သဘောကို အနည်းငယ် နားလည်လာပါတယ်။ သူဘယ်လိုလူမျိုးလဲ နေထိုင်၊ စားသောက်နေတာ ဘယ်လိုရှိလဲ၊ မိမိစိတ်နဲ့ ဝေဖန် ပိုင်းခြားလာနိုင်တယ်။ ဒီမှာပဲ ကောင်းတဲ့သူလား ဆိုးတဲ့သူလား သိလာတဲ့ခါ ရှောင်ကြဉ်ကြဖို့ ဆုံးမစကားလေးပါ။ အားလုံးလည်း တတ်နိုင်သလောက်တော့ လိုက်နာနေထိုင်နိုင်ကြမှာပါ။ လူ့လောကမှာ နေနေသရွေ့တော့ လူမိုက်ဆိုတာတွေနဲ့ တွေ့ထိဆက်ဆံနေကြရမှာပါပဲ။ ကိုယ်က အလိမ္မာသုံးပြီး ရှောင်နိုင်ရင် အကောင်းဆုံးပေါ့။ လူမိုက်ကို နင်က မိုက်လှချည်လား ဟိုဟာ ဒီဟာ ဖြစ်တယ်လို့ သွားပြောနေမယ့်အစား သည်းခံနိုင်ရင် သည်းခံပြီး သည်းမခံနိုင်ရင်တော့ ရှောင်သွားတာ အကောင်းဆုံးပါပဲ။

ကျမတို့ရဲ့ မြတ်စွာဘုရားရှင်ကတော့--
"အခါတစ်ပါး၌ ဘာရဒွါဇပုဏ္ဏားကြီးသည် ဗုဒ္ဓမြတ်စွာထံ၌ ရဟန်းပြုတော်မူ၏။ ညီဖြစ်သူ အက္ကောသဘာရဒွါဇ ပုဏ္ဏားက ဗုဒ္ဓမြတ်စွာအား ဆဲရေးလေသည်။ ဗုဒ္ဓမြတ်စွာသည် စိတ်ဆိုးတော်မမူပဲ သည်းခံ၏။
ဗုဒ္ဓမြတ်စွာက
"အို ပုဏ္ဏား... သင့်အိမ်သို့ မိတ်ဆွေများ၊ ဆွေမျိုးသားချင်းများ အလည်လာလျှင် စားသောက်ဖွယ်ရာများ တည်ခင်းကျွေးမွေးပါ၏လော" ဟု မေးတော်မူ၏။
"ကျွေးမွေးပါသည် အရှင်ဂေါတမ"
"အကယ်၍ ဆွေမျိုး မိတ်ဆွေများက မစားမသောက် လက်မခံကြလျှင် စားသောက်ဖွယ်ရာများသည် မည်သည့်ဥစ္စာ ဖြစ်၍ ကျန်သနည်း"
"စားသောက်ဖွယ်ရာများသည် ကျွန်ုပ်၏ဥစ္စာသာ ဖြစ်ပါသည်"
"ပုဏ္ဏား ဤဥပမာအတိုင်းပင် ဖြစ်၏။ ငါ့ကို သင် ဆဲရေး၏။ သင်၏ ဆဲရေးခြင်းကို ငါတို့သည် တုံ့ပြန်ခြင်းဖြင့် မခံယူကုန်။ ထိုသို့ မခံယူသဖြင့် သင်၏ ဆဲရေးခြင်းသည် သင့်အဖို့သာလျှင်ဖြစ်၏" ဟု ဗုဒ္ဓမြတ်စွာက မိန့်တော်မူသည်။
နောက်ဆုံးတွင် အက္ကောသဘာရဒွါဇ ပုဏ္ဏားသည် ဗုဒ္ဓမြတ်စွာကို ကြည်ညို ဆည်းကပ် ကိုးကွယ်သော ဥပါသကာတစ်ဦး ဖြစ်သွား၏၊ ရဟန္တာလည်း ဖြစ်လာတော်မူ၏။

ဒါ့ကြောင့် "သည်းခံခြင်းသည် အမျိုးမျိုးသော ကိစ္စရပ်တို့ကို အောင်မြင်နိုင်၏" လို့ ကျမကတော့ ယုံကြည်ပါတယ်။ ဒီနေ့ထိလည်း ဘယ်သူ့ကိုမှ မကဲ့ရဲ့သလို ဘယ်သူ့ကိုမှလဲ ဝေဖန်ခြင်းမပြုပါဘူး။ ဒီလိုပဲ ကျမကို ကဲ့ရဲ့လာခြင်း၊ ဆဲဆိုလာခြင်း၊ မဟုတ်မမှန် ပြောဆိုလာခြင်းတွေကို တုံ့ပြန်မှာ မဟုတ်ပါဘူး။ ဒါ့ကြောင့် ကျမကို ပြောဆိုလာသော သူမှန်သမျှတို့က သူတို့ကိုယ်တိုင်ပဲ ပြန်ခံရကြမှာပါ။
*****
သူငယ်ချင်းအားလုံးလဲ ဒီပို့စ်လေး ဖတ်ပြီးရင် အထိုက်အလျောက် သည်းခံစိတ်များ မွေးမြူနိုင်ကြပါစေ.....

*****